28.03.2012 19:46
Ársþing FMÍ var haldið á Hótel Natura 17. mars s.l. Arngrímur Jóhannsson forseti FMÍ setti þingið og byrjaði á því að segja að þetta væri í síðasta sinn sem hann setur þetta þing þar sem hann sé að stíga til hliðar sem forseti FMÍ.
Valur Stefánsson flutti skýrslu stjórnar og FÍE, Reynir Þór Guðmundsson fór yfir reikninga félagsins, Ágúst Guðmundsson fór yfir skýrslu fisdeildar, Hólmgeir Guðmundsson flutti skýrslu svifflugmanna og Eysteinn Sigursteinsson hélt tölu frá Flugmódelfélaginu Þyt.
Það var greinilegt að viðhaldsmálin hafa tekið mikinn tíma hjá stjórninni og verið fundað stíft um þau málefni með Flugmálastjórn, fulltrúum Innanríkisráðuneytisins, Umhverfis- & Samgöngunefnd og Flugráði. Einnig hafa þeir Valur Stefánsson og Reynir Þór Guðmundsson sótt fundi erlendis þar sem aðallega hefur verið farið yfir viðhaldsmálin. Fanst fulltrúum stjórnar að Flugmálastjóri væri farinn að tala málefnum grasrótarinnar á fundum bæði hérlendis og hjá EASA eins og á nýlegum fundi í Köln.
Stjórn lagði til að Sigurður Ingi Jónsson einkaflugmaður úr Flugklúbbnum Þyt yrði kosinn forseti og var það samþykkt, aðrir stjórnarmenn eru; Ágúst Guðmundsson, Kristján Sveinbjörnsson, Valur Stefánsson, Daníel Pétursson, Reynir Þór Guðmundsson, Matthías Sveinbjörnsson og Styrmir Bjarnason.
Tilkynnt var á fundinum að Arngrímur Jóhannsson hefði verið tilnefndur Heiðurs forseti félagsins og verður gullmerki félagsins nælt í hann við tækifæri. Arngrími var þakkað vel unnin störf í þágu félagsins og honum klappað lof í lófa.
21.03.2012 23:35
Búið er að setja inn í myndaalbúmið fleiri myndir úr ljósmyndasafni Árna heitins Guðmundssonar frá Múlakoti í Fljótshlíð. Þeir sem þektu Árna tóku eftir því að myndavélin var aldrei langt undan. Búið er að skanna inn safnið en myndirnar sem birtast hér eru unnar í myndvinnslu heldur koma fyrir eins og þær eru, að sjálfsögðu eru myndirnar misjafnar og biðjum við ykkur að taka tillit til þess. Fyrir flugsögu okkar Íslendinga þá er safnið ómetanlegt. Þetta eru bara fyrstu myndirnar sem eru komnar inn en áætlun er að setja allar inn í þetta sama myndaalbúm.
Árni heitinn hélt mjög góða skráningu yfir myndasafnið sitt og fylgja upplýsingar s.s. einkennisstafir flugvéla og dagsetning myndunum og er það einstakt. Meirihluti safnsins er á svarthvítum filmum en þó tók hann aðeins í lit líka.
Við vonum að þið njótið vel.
Valur Stefánsson
Myndin hér að neðan er af TF-HIS vél Björns Pálssonar í Múlakoti.
02.03.2012 00:10
Á dögunum fór TF-CRZ Piper Super Cub reblica í sitt fyrsta flug. Vélin er einkar glæsileg í alla staði og óskum við eigendum og Erling P. Erlingssyni flugvirkja til hamingju með glæsilega vél.
Myndirnar hér fyrir neðan fengum við frá Þorsteini Kristleifssyni flugstjóra sem á TF-XXL.
TF-CRZ og TF-XXL við skýli 21 þar sem sú glæsilega handavinna við vélarnar fór fram.
TF-CRZ á flugi við Reykjavík.
22.11.2011 23:31
Eftirfarandi ályktun var samþykkt á Landsþingi Sjálftstæðisflokksins um s.l. helgi og er það okkur grasrótar fólki sönn ánægja að hún skuli vera svo afdráttarlaus bæði hvað varðar flugvöllinn í Vatnsmýrinni og það reglugerðar fargan sem við höfum verið að berjast við.
Samgöngur í lofi
Landsfundur leggur áherslu á að Reykjavíkurflugvöllur gegnir lykilhlutverki sem miðstöð sjúkra- oginnanlandsflugs. Flugvellinum skal því tryggð áframhaldandi aðstaða í Vatnsmýrinni og hið fyrsta skal hefjast handa við byggingu flugstöðvar. Grunnforsenda er að þar séu reknar tvær flugbrautir til frambúðar
Landsfundur leggur áherslu á að innanlandsflug verði með svipuðu sniði og verið hefur og áfram verði stutt við flugleiðir til jaðarbyggða, þó þannig að hagkvæmni sé gætt í hvívetna.
Íþyngjandi reglugerðir geta orðið þess valdandi að einkaflug á Íslandi leggist af. Leita þarf lausna nú þegar.
Keflavíkurflugvöllur er miðstöð millilandaflugs á Íslandi og þarf að þróast sem slíkur. Halda þarf áfram upp byggingu flugvallanna í Reykjavík, á Akureyri og á Egilsstöðum og þróun þeirra sem varavellir
Kefla víkurflug vallar og til eflingar á millilandaflugi. Rýmka þarf heimildir til að sinna millilandaflugi þar sem aðstæður leyfa á lands byggðinni og auka þar með möguleika í ferðaþjónustu.
20.11.2011 00:28
TF-RJC Piper PA-28
Árgerð 1979
Raðnr: 28-7990231
Vélin er sérstaklega falleg, ávallt verið geymd í upphituðu skýli og verið hugsað mjög vel um hana.
Vélin er mjög vel tækjum búin.
TTAF: 2.400 hrs
TTEN: ca. 220 hrs s/n
TTPR: ca. 1.010 hrs
Lofthæfiskírteini rennur út 25.07.2012
Verð kr. 6.000.000
Price: 51.000.000 USD.
Frekari upplýsingar gefa:
Ólafur Nilsson s: 893-2440
Ágúst Karlsson s: 892-2020
Ljósm: Baldur Sveinsson
11.09.2011 20:31
Myndir frá Flugsýningu Flugmálafélags Íslands eru komnar inn í myndaalbúmið okkar og fleiri myndir væntanlegar.
Eins og sjá má þá var mikill fjöldi sem mætti og er talið að þetta sé með allra fjölmennustu Flugsýningum sem haldnar hafa verið á Reykjavíkurflugvelli.
08.09.2011 14:11
Flugsýning Flugmálafélags Íslands í samstarfi við Ísavía og Icelandair verður haldin á Reykjavíkurflugvelli, 10. September kl. 12-16 við Hótel Loftleiðir (Hótel Natura).
· Flugvélar af öllum stærðum og gerðum
· Flugsýning kl. 13-15
· Fallhlífarstökk
· Svifflug
· Sýningarflug á Þristinum
· Módelflug
· Farþegaþota Icelandair Boeing 757, lending, flugtak og yfirflug.
· Listflug
· Þyrluflug
· Paramótorflug
· Fisflug
· Sýningarflug Landhelgisgæslunnar.
Aðgangur ópeypis.
Komið og upplifið Íslenska flugævintýrið á Reykjavíkurflugvelli.
05.09.2011 23:31
Pétursbikarinn hin árlega lendingarkeppni Flugklúbbs Selfoss verður haldin næstkomandi miðvikudag 7. september og hefst kl. 18:00. Allir sem flygildi geta valdið eru hvattir til að mæta, taka þátt og hafa gaman af.
Sjá nánar á www.flugklubbur.is
24.08.2011 21:03
Í gær var öðru sinni keppt um Thoroddsen farandbikarinn en keppnin er haldin til minninga um Atla heitinn Thoroddsen flugstjóra. Í ár voru 29 þátttakendur og fjöldinn allur af áhorfendum sem skemmtu sér vel að horfa á flugkappana í þessari hörðu keppni. Icelandair styrkti keppnina eins og í fyrra og var boðið upp á grillaðar pylsur og gos.
| Nafn | Flugvél | Refsistig |
| Jóhannes Jóhannesson | TF-KAJ | 9 |
| Haukur Arngrímsson | TF-SKN | 28 |
| Arnar Emilsson | TF-KAJ | 36 |
| Kristján Sveinbjörnsson | TF-SAA | 37 |
| Hafsteinn Jónasson | TF-PAC | 43 |
| Einar Dagbjartsson | TF-KAF | 66 |
| Dagbjartur Einarsson | TF-ISE | 72
|
| Ingvar Valdimarsson | TF-KAK | 99 |
| Óli Öder | TF-151 | 102 |
| Jóhann Þórir Gunnarsson | TF-BAA | 180 |
| Arnar Jónsson | TF-KAJ | 182 |
| Tómas Dagur Helgason | TF-KAJ | 190 |
| Valur Stefánsson | TF-STR | 215 |
| Þráinn Hafsteinsson | TF-LMB | 215 |
| Sigurður Ingi Jónsson | TF-KAR | 223 |
| Kári Kárason | TF-KAJ | 227 |
| Ólafur Helgi | TF-GMG | 229 |
| Sigurður Halldórsson | TF-KAS | 230 |
| Birgir Birgisson | TF-SKN | 250 |
| Torfi Sigurjónsson | TF-STR | 258 |
| Agnar Ingvarsson | TF-ISE | 274 |
| Frosti Heimisson | TF-134 | 285 |
| Björn Ásbjörnsson | TF-STR | 300 |
| Daði Freyr | TF-FTM | 334 |
| Sigurjón Sindrason | TF-137 | 349 |
| Ágúst Jóel Magnússon | TF-KAJ | 351 |
| Þorsteinn Jónsson | TF-KAJ | 427 |
| Guðjón Þorkelsson | TF-BAA | 435 |
| Helgi Jóhannesson | TF-TOD | 645 |
Það var Ásta Hallgrímsdóttir ekkja Atla heitins sem afhendi þeim félögum í fyrstu þremur sætunum glæsilega verðlaunagripi.
Einnig var keppt um styðsta flugtakið og var það Þorsteinn Jónsson á TF-KAJ sem var þar hlutskarpastur.
Fleiri myndir frá keppninni eru í myndaalbúmi Flugfrétta.
20.08.2011 21:53
Í dag var farið í hópflug til Vestmannaeyja en tilefnið var að þann 14. ágúst voru 65 ár frá því fyrsta flugvélin lenti á flugvellinum í Eyjum en það var TF-KAK og flugmenn voru þeir Halldór Bech og Hjalti Tómasson. Í dag var TF-KAK í broddi fylkingar en alls voru 21 flugvél í hopnum og stemmingin frábær.
Í myndaalbúminu okkar eru nokkrar myndir frá ferðinni og fleiri eiga eftir að bætast við.
Hægt er að sjá video frá fluginu Bakki - Eyjar hér gæðin eru kanski ekki upp á sitt besta en tökum viljan fyrir verkið.
